Məşğulluqda turizmin payı 5,7%-ə çatdırılacaq

2026–2030-cu illəri əhatə edən Dövlət Proqramının icrası ölkədə, xüsusən də regionlarda məşğulluğun artırılmasına güclü təkan verəcək.

Operativ Media xəbər verir ki, sənədə əsasən, turizm üçün xarakterik sahələrin muzdlu əmək bazarındakı payının 2030-cu ilə qədər 5,7 faizə çatdırılması hədəflənir.

Məşğulluqda dözümlülük və dayanıqlılığı təmin etmək üçün mövsümilik amilinin təsirləri azaldılacaq, yerləşmə, ictimai iaşə və əyləncə sahələrində yeni iş yerləri yaradılacaq. Eyni zamanda, kadr hazırlığı və xidmət keyfiyyətinin yüksəldilməsi üzrə kompleks tədbirlər icra olunacaq.