Ali məktəblərə qəbulda güclü rəqabət: Minlərlə abituriyent niyə kənarda qaldı? - VİDEO

Ali məktəblərə qəbul prosesi yekunlaşıb, bu il 58 min 947 abituriyent ali təhsil müəssisələrinə qəbul olub.

Operativ Media "ATV Xəbər"ə istinadən xəbər verir ki, qəbul üçün elektron ərizəsini təsdiqləyən 87 min 146 abituriyentdən 28 min 108 nəfər dövlət sifarişi əsasında, 30 min 522 nəfər isə ödənişli əsaslarla təhsil almaq hüququ qazanıb.

Təhsil ekspertinin sözlərinə görə, 28 mindən çox abituriyentin müsabiqədən kənarda qalmasının əsas səbəblərindən biri bəzi ixtisaslar üzrə yüksək rəqabətdir. Xüsusilə informasiya texnologiyaları, informasiya təhlükəsizliyi və kompüter elmləri kimi ixtisaslara maraq yüksək olub.

Qeyd edək ki, ali təhsil müəssisələrində boş qalan yerlərə qəbul avqustun 28-dən sentyabrın 2-dək keçiriləcək.

Ətraflı videoda: