İstanbulda İranla bağlı xarici işlər nazirlərinin görüşü keçiriləcək

İranla bağlı Böyük Britaniya, Almaniya və Fransanın, eləcə də Misir, Səudiyyə Ərəbistanı, Pakistan və Türkiyənin xarici işlər nazirlərinin iştirakı ilə görüş avqustun 30-da İstanbulda keçiriləcək.

Operativ Media xəbər verir ki, görüşün təşəbbüskarları Almaniya və Türkiyədir.

Danışıqlarda əsasən Hörmüz boğazında gəmiçiliyin azadlığının təmin olunması yolları və regiondakı təhlükəsizlik vəziyyəti müzakirə ediləcək.

İştirakçı ölkələrin görüş vasitəsilə ABŞ-yə İranla danışıqların davam etdirilməsinin vacibliyi barədə siqnal verməsi gözlənilir.

Görüşün gündəliyinə Qara dənizdəki vəziyyət və Ukrayna taxılının ixracı məsələləri də daxil edilib.