2026–2027-ci tədris ili üzrə təhsil tələbə krediti üçün müraciətlər başlayır

2026–2027-ci tədris ilində ali təhsil müəssisələrinin bakalavriat səviyyəsinə, eləcə də orta ixtisas və peşə təhsili müəssisələrinə əyani və ödənişli əsaslarla qəbul olunan tələbələr təhsil tələbə kreditindən yararlana bilərlər.

Operativ Media xəbər verir ki, təhsil tələbə kreditindən yararlanmaq istəyənlər bunun üçün əvvəlcə razılıq ərizəsi əldə etməli, daha sonra e-ttkf.edu.az portalında qeydiyyatdan keçərək müraciətlərini tamamlamalıdırlar.

Razılıq ərizəsini notariat ofislərindən, “ASAN xidmət” mərkəzlərindən, “Mobil Notariat” və ya “mygov” tətbiqindən əldə etmək mümkündür.

Heç bir maddi çətinlik təhsil yolunuzun yarımçıq qalmasına səbəb olmamalıdır. Təhsil tələbə krediti sizə təhsilinizi davam etdirmək, bilik və bacarıqlarınızı inkişaf etdirmək və gələcəyiniz üçün yeni imkanlar qazanmaqda dəstək ola bilər. Bu imkandan yararlanaraq hədəflərinizə doğru inamla addımlayın.

Təhsil tələbə krediti üçün müraciət e-ttkf.edu.az portalı üzərindən həyata keçirilir.