Putin və Tramp arasında telefon danışığı olub

Rusiya Prezidenti Vladimir Putin və ABŞ Prezidenti Donald Tramp arasında telefon danışığı olub.

Operativ Media xəbər verir ki, bunu Rusiya Prezidentinin köməkçisi Uşakov bildirib.

"Liderlər Uitkoff və Kuşnerin Moskva və Kiyevə səfərlərinin yekunlarına dair fikir mübadiləsi aparıblar", — deyə Rusiya prezidentinin köməkçisi qeyd edib.

Qeyd olunur ki, ABŞ prezidenti münaqişənin tezliklə tənzimlənməsinin vacibliyi fikrini irəli sürüb. Trampın fikrincə, bu, Rusiya və ABŞ arasında iqtisadi əlaqələrin bərpasına imkan yaradar.