Bu il 124 minə yaxın şagird birinci sinfə gedəcək

Bu il 124 minə yaxın şagird birinci sinfə gedir.

Operativ Media xəbər verir ki, bunu Elm və Təhsil naziri Emin Əmrullayev yeni tədris ilinə dair keçirilmiş mətbuat konfransında bildirib.

Nazir bildirib ki, 2026–2027-ci tədris ilində ölkə üzrə bütün təhsil səviyyələri daxil olmaqla təqribən 2,2 milyon nəfər təhsil alacaq.

Ümumi təhsil üzrə 1 milyon 600 min, ali təhsil üzrə 260 min, məktəbəqədər təhsil üzrə 226 min, orta ixtisas təhsili üzrə 64 min və peşə təhsili üzrə isə 44 min şəxs təhsilə cəlb olunacaq.