Güləş üzrə Avropa çempionatı start götürür
Bu gün Xorvatiyanın paytaxtı Zaqrebdə güləş üzrə Avropa çempionatı start götürəcək.
"Operativ Media" xəbər verir ki, yarışın ilk 3 günündə sərbəst güləşçilər mübarizə aparacaq. Bu gün 5 sərbəst güləşçimiz mübarizəyə başlayacaq.
57 kq çəki dərəcəsində çıxış edən Əliabbas Rzazadə 1/4 final mərhələsində Anatoli Buruian (Moldova)/Horst Ler (Almaniya) cütünün qalibi ilə qarşılaşacaq.
65 kq-dakı Əli Rəhimzadə 1/8 finalda Georgios Pilidis (Yunanıstan)/İslam Dudayev (Albaniya) cütünün güclüsü ilə üz-üzə gələcək.
70 kq-da Hacı Əliyevin təsnifatdakı rəqibi Canluka Talamo (İtaliya) olacaq.
79 kq-dakı Səbuhi Əmiraslanov 1/8 finalda İman Mahdavi (UWW) ilə görüşəcək.
97 kq-dakı Maqomedxan Maqomedov Benjamin Honislə (İtaliya) qarşılaşacaq.
Qeyd edək ki, Avropa çempionatı aprelin 23-də başa çatacaq.
