Dünya çempionatı: Zelim Kotsoyev mübarizəyə başlayır

Bakıda keçirilən cüdo üzrə dünya çempionatının beşinci günündə Azərbaycanın Olimpiya çempionu Zelim Kotsoyev tatamiyə çıxacaq.

Operativ Media xəbər verir ki, kişilərin -100 kq çəki dərəcəsində mübarizə aparan idmançımız 1/32 final mərhələsində türkmənistanlı Baymırat Majanovla qarşılaşacaq.

Təsnifat mərhələsi saat 10:30-da, final bloku isə 18:00-da başlayacaq.

Görüşləri CBC Sport və Judo TV kanallarından canlı izləmək mümkün olacaq.