Azərbaycanın gənc cüdoçuları Daşkənddə təlim-məşq toplanışında iştirak ediblər

Gənc qızlardan ibarət Azərbaycanın cüdo milli komandası Özbəkistanın paytaxtı Daşkənddə keçirilən beynəlxalq təlim-məşq toplanışında iştirak edib.

Operativ Media ACF-ə istinadən xəbər verir ki, hazırlıq prosesinə gənc qızlardan ibarət yığmanın böyük məşqçisi Saşa Herkenrat-Vimar və yeniyetmə qızlardan ibarət millinin baş məşqçisi Elnur İsmayılov rəhbərlik ediblər.

Təlim-məşq toplanışı 24–25 oktyabr tarixlərində Tacikistanın paytaxtı Düşənbədə keçiriləcək gənclər arasında Qran-Pri turnirinə hazırlıq məqsədi daşıyıb.