Misirdə avtobusla yük maşını toqquşub, 12 nəfər ölüb

Misirdə avtobusla yük maşınının toqquşması nəticəsində 12 nəfər həlak olub, 34 nəfər yaralanıb.

Operativ Media xəbər verir ki, bu barədə Misirin Səhiyyə və Əhali Nazirliyi məlumat yayıb.

Məlumata görə, qəza Qahirə-Əsyut qərb səhra yolunda baş verib.

Hadisə yerinə 28 təcili tibbi yardım maşını cəlb olunub, yaralılar xəstəxanaya çatdırılıb. Qəzanın nəticələri ilə bağlı araşdırma davam edir.