"Qarabağ" klubunun rəhbərliyi Azərbaycan Premyer Liqasının 30-cu turu çərçivəsində keçiriləcək "Zirə" ilə oyunun biletlərini pulsuz edib.
"Operativ Media" xəbər verir ki, bu haqda klubun rəsmi feysbuk hesabında paylaşım edilib:
"Azarkeşlərimizin diqqətinə‼️
Ramazan bayramı münasibətilə bu gün "Qarabağ" - "Zirə" oyununa giriş pulsuzdur!
Bu oyuna bilet almış azarkeşlər növbəti ev oyunumuz - "Qəbələ" ilə matçda həmin biletdən istifadə edə biləcəklər.
Gəlin, bayramı birlikdə qeyd edək!
Qeyd: Bugünkü qarşılaşma üçün yalnız VIP biletlər satışda olacaq".
