Hörmüz boğazında neft daşıyan iki supertanker partlayıb

Hörmüz boğazında İranın icazə vermədiyi marşrutda ümumilikdə 4 milyon bareldən çox neft daşıyan iki supertanker partlayıb.

Operativ Media xəbər verir ki, bu barədə İslam İnqilabı Keşikçiləri Korpusu (İİKK) məlumat verib.

İİKK Hərbi Dəniz Qüvvələrinin məlumatına görə, hər iki gəmi hazırda yanır.

Agentlik xəbərdarlıq edib ki, Fars körfəzində və Hörmüz boğazında naviqasiya sistemlərini sıradan çıxaran, icazəsiz marşrutdan keçərkən ABŞ ordusu ilə əməkdaşlıq edən hər hansı bir gəmini eyni aqibət gözləyir.