Ermənistan parlamenti TRIPP şirkətinin yaradılması ilə bağlı qanunvericilik paketini qəbul edib

Ermənistan parlamenti beynəlxalq müqavilələr əsasında yaradılan, dövlətin ən azı 25 faiz iştirakı olan şirkətlər üçün xüsusi qaydaları nəzərdə tutan qanunvericilik paketini qəbul edib.

Operativ Media bu barədə erməni mediasına istinadən xəbər verir.

Qeyd edilib ki, dəyişikliklər TRIPP layihəsinin həyata keçirilməsi üçün nəzərdə tutulmuş şirkətin yaradılmasının irəliləməsinə imkan verəcək.

Məlumata görə, hökumət tərəfindən təqdim edilən "Səhmdar Cəmiyyətlər haqqında" Qanuna və altı əlaqəli qanuna dəyişikliklər paketi növbədənkənar iclasda 64 səs lehinə qəbul edilib.