İspaniya çempionu "Barselona" fransalı müdafiəçi Samuel Umtiti ilə müqaviləyə xitam verib.
"Operativ Media" xəbər verir ki, bu haqda Kataloniya klubunun saytı məlumat yayıb.
29 yaşlı futbolçu son mövsümü icarə əsasında İtaliyanın “Leççe” klubunda keçirib.
Samuel Umtiti 2016-cı ildə Fransa "Lion"undan "Barselona"ya keçib. 2018-ci ildə Fransa millisi ilə dünya çempionu olduqdan sonra Umtiti çoxsaylı zədələr səbəbindən "Barselona"nın əsas heyətindən kənarda qalıb.
Samuel Umtiti "Barselona"nın heyətində ikiqat İspaniya çempionu, üçqat kubokun qalibi və ikiqat Superkubokun qalibi olub.
