Fransa Senatı hərbi büdcənin 413 milyard avroya çatdırılmasını nəzərdə tutan qanun layihəsini qəbul edib

Fransa Senatı ölkənin 2024-2030-cu illər üçün hərbi büdcəsinin 413 milyard avroya çatdırılmasını nəzərdə tutan qanun layihəsini qəbul edib.

"Operativ Media" xəbər verir ki, Senatın Baş Assambleyasında növbəti 7 illik müdafiə büdcəsinin təxminən 413 milyard avroya çatdırılmasını nəzərdə tutan qanun layihəsi ikinci dəfə müzakirə edilib.

Qanun layihəsi 17 əleyhinə 313 səslə qəbul edilib.

Qanun layihəsinə əsasən, səsə qoyulan büdcənin bir hissəsi ordunun modernləşdirilməsinə sərf olunacaq.

Qeyd edək ki, Fransada qanun layihəsinin qəbul edilməsi üçün o, Parlamentin iki palatası, Milli Assambleya və Senatdan təsdiq almalıdır.