İslandiyada püskürən vulkan atmosferə zəhərli qazlar buraxır

İslandiyada son iki ildə aktivləşən vulkanın yenidən püskürməsi ekologiyaya ziyan vurmağa davam edir.

"Operativ Media" xəbər verir ki, vulkanoloqlar kraterdən atmosferə zəhərli qazların emissiyası ilə bağlı xəbərdarlıq edib. Artıq həftənin ilk günündən bölgəyə giriş bağlanıb. İslandiya Meteorlogiya idarəsi yerli sakinlərə və turistlərə əraziyə yaxınlaşmamağa çağırış edib. Buna baxmayaraq insanlar əsrarəngiz mənzərəni seyr etmək üçün paytaxt Reykyavikdən 30 kilometr cənub-qərbdə yerləşən vulkana mümkün qədər yaxınlaşmağa səy göstəriblər. Dünyanın müxtəlif yerlərindən fotoqraflar lavaların fotoların çəkmək üçün bura axın edib.