"Linkoln"un baş məşqçisi: "Bakıya gəzmək üçün gəlməmişik"

“Linkoln”un baş məşqçisi Xavi Munyos Çempionlar Liqasının 1-ci təsnifat mərhələsinin “Qarabağ”la cavab qarşılaşmasından öncə baş tutan mətbuat konfransında iştirak edib.

"Operativ Media" xəbər verir ki, o, Bakıya gəzmək üçün gəlmədiklərini deyib:

“Bizi çox çətin oyun gözləyir. Görüşə məğlub başlayacağıq. Komandaya inanırıq. Uğurlu nəticə əldə etməyə çalışacağıq. Doğrudur, uzun səfər oldu. Lakin sizin dediyiniz qədər çox çəkmədi. Klub bizim rahatlığımız üçün şərait yaratmışdı. Bu amilin sabahkı oyuna təsir edəcəyini düşünmürəm. İlk oyunda qurduğumuz plan özünü doğrultdu. Qələbə qazana bilərdik, sadəcə, bəxtsizlik yaşandı. Bakıya gəzmək üçün gəlməmişik. Planımızı burada açıqlamayacağam. Rəqibi təəccübləndirməyə çalışacağıq”.

"Linkoln" ilk görüşdə “Qarabağ”a 1:2 hesabı ilə uduzmuşdu.