"Neftçi"nin prezidenti Kamran Quliyev Rusiyada "Spartak"a qarşı keçirdikləri yoldaşlıq görüşündən sonra fikirlərini bölüşüb.

"Operativ Media" xəbər verir ki, Rusiya mətbuatına danışan funksioner 0:2 hesabıyla başa çatan oyundan və Rusiya klublarının səviyyəsindən söz açıb:

- Oyunun təşkilatçılığnı bəyəndiz?

- Hər şey yüksək səviyyədədir. "Spartak" daha hazırlıqlı idi. Baş məşqçimiz yeni gəlib və komanda tam hazır deyil. Lakin çox yaxşı məşqçimiz var və düşünürəm ki, yaxın zamanda daha da güclənəcəyik.

- Rusiyada ciddi rəqiblərlə oynadız. Onlar arasında "Zenit" və "Spartak" da var idi...

- Rusiya komandaları hazırlıqlıdır. "Zenit" Superkuboka, "Spartak" çempionata hazırlaşırdı. "Fənərbağça" da avrokubok matçları üçün çalışırdı. "Srvena Zvezda" Çempionlar Liqasının qrupunda olacaq. Bizim də bu mövsümə ümidlərimiz böyükdür.

- Kiminlə daha çətin oldu? "Zenit", yoxsa "Spartak"?

- Hər iki komanda çox güclüdür. Hər şey əhval-ruhiyyədən asılıdır. İyulun 1-də "Zenit"lə, 18-də isə "Spartak"la oynadıq. Nəzərə alaq ki, bu klublar demək olar, eyni vəziyyətdədir. Kimin daha güclü, kimin zəif olduğunu demək istəmirəm. Həm Sankt-Peterburqda, həm də Moskvada hər şey ən yüksək səviyyədə idi. "Zenit" və "Spartak" rəhbərliyinə, azarkeşlərə də təşəkkür edirəm. Fanatlar bütün oyunlara gəlir, alqışlayır, hətta futbolçularımızla maraqlanırdılar.