Naxçıvanda gömrük yığımları 2 dəfədən çox artıb

Bu ilin I yarısında Dövlət Gömrük Komitəsinin Naxçıvan Baş Gömrük İdarəsi 41,65 milyon manat gömrük yığımı toplayıb.

"Operativ Media" Komitəyə istinadən xəbər verir ki, bu, ötən ilin eyni dövrü ilə müqayisədə 2,3 dəfə çoxdur.

6 aylıq yığımın 36,022 milyon manatı dövlət büdcəsinə, 5,628 milyon manatı isə yerli büdcəyə köçürülüb.

Hesabat dövründə konsiqnasiya yolu ilə ixrac olunan mallardan yaranmış borcun geri qaytarılması istiqamətində həyata keçirlən tədbirlər nəticəsində 8,976 milyon ABŞ dolları məbləğində borcun hamısı hüquqi və fiziki şəxslərin müvəkkil bankdakı hesablarına köçürülüb.