"Neftçi" "Jelezniçar"la heç-heçə etdi

Konfrans Liqasında 2-ci təsnifat mərhələsinin ilk oyunları keçirilib.

"Operativ Media" xəbər verir ki, bu gün Azərbaycan təmsilçilərindən "Neftçi" də mübarizəyə başlayıb.

"Ağ-qaralar" səfərdə "Jelezniçar"la qarşılaşıb və 2:2 hesablı heç-heçə edib. Bosniya və Herseqovina klubu 1-ci təsnifat mərhələsində Minsk "Dinamo"sunu (2:2, 2:1) mübarizədən kənarlaşdırıb.

Bu görüş həm də "Neftçi"nin yeni baş məşqçisi Adrian Mutunun komandada rəsmi debütü olub.

Qeyd edək ki, "Neftçi" ilə "Jelezniçar" arasında cavab oyunu avqustun 3-də Bakıda keçiriləcək.

27 iyul

Konfrans Liqası

2-ci təsnifat mərhələsinin ilk oyunu

23:00. "Jelezniçar" (Bosniya və Herseqovina) - "Neftçi" (Azərbaycan) - 2:2

Qollar: Haraçiç, 12 (1:0), Kilan Lebon, 44 (1:1), Yosep Amoa, 45+10 (2:1), Rəhman Hacıyev, 90+5 (2:2)

Baş hakim: Yuri Frişer (Estoniya).

Sarayevo, Qrbavica stadionu.