Ukraynanın PUA-lar ilə Moskvaya hücumu zamanı bəzi binalar zərər görüb (FOTO)

Ukraynanın Moskva vilayətinə pilotsuz uçuş aparatları (PUA) ilə hücum cəhdinin qarşısı alınıb.

"Operativ Media" xəbər verir ki, bunu Rusiya Müdafiə Nazirliyi açıqlayıb.

Nazirlikdən verilən yazılı açıqlamada deyilir: “Bu gün səhər saatlarında Kiyev rejiminin PUA-larla Moskva vilayətindəki obyektlərə terror aktı törətmək cəhdinin qarşısı alınıb”.

Açıqlamaya görə, hücumlar nəticəsində insan itkisi baş verməyib.

Moskva meri Sergey Sobyanin isə sosial media hesabından verdiyi açıqlamada Ukraynanın PUA-larla hücum cəhdinin qarşısının alındığını, lakin düşən pilotsuz vasitələrin Moskvada bəzi qüllələrə dəyərək zərər verdiyini, ölən və yaralananların olmadığını bildirib.