ABŞ: "Vaqner" təhlükə yaratmır"

Birləşmiş Ştatlar Rusiyanın özəl təhlükəsizlik şirkəti "Vaqner"in Polşaya və ya onun NATO müttəfiqlərindən hər hansı birinə təhlükə törətdiyinə dair heç bir sübutun olmadığını bildirib.

"Operativ Media" xəbər verir ki, bu barədə Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi onlayn mətbuat konfransında jurnalistlərin suallarını cavablandırıb.

Kirbi Rusiyanın özəl təhlükəsizlik şirkəti "Vaqner" qrupuna aid muzdluların Belarusda olması və bu çərçivədə Polşa və Litvanın xəbərdarlıqları ilə bağlı sorğu-sual edilib.

Kirbi "Vaqner" əsgərlərinin olduğu yerlə bağlı məlumat vermək vəziyyətində olmadıqlarını ifadə edərək, bəzilərinin Afrikada, bəzilərinin isə hələ də Ukraynada olduğuna inandıqlarını, "sabitlik və etibarsızlıq" yaratmağa davam etdiklərini söyləyib.