Polşaya keçən ukraynalıların sayı 14 milyonu ötüb

Avqustun 1-nə olan məlumata görə Ukraynadan Polşaya keçən ukraynalıların sayı 14 milyon 182 min, ölkəni tərk edənlərin sayı isə 12 milyonu keçib.

"Operativ Media" xəbər verir ki, Polşa Sərhəd Mühafizəsinin sosial media hesabında edilən paylaşımda Ukrayna-Rusiya müharibəsi başlayandan bu yana ölkəyə sıx keçidin olduğu bildirilib:

"Müharibə başlayandan bu yana Ukraynadan Polşaya tranzitlərin sayı 14 milyon 182 minə çatıb" .

Polşanı tərk edən ukraynalıların ümumi sayının 12 milyon 399 min nəfər olduğu qeyd edilib.