Putin: "Afrika ilə etimadın iqtisadi əməkdaşlığa keçməsini istəyirik"

"Rusiya ilə Afrika ölkələri arasında qurulan siyasi etimadın iqtisadi əməkdaşlığa çevrilməsi lazımdır".

"Operativ Media" xəbər verir ki, bu barədə Rusiya prezidenti Vladimir Putin Nazirlər Kabinetinin iclasında Rusiyanın iqtisadi inkişaf naziri Maksim Reşetnikovun Rusiya-Afrika Sammitinin yekunlarına dair hesabatını şərh edib.

“Biz Afrika ölkələri ilə Rusiya arasında siyasi etimadın səviyyəsini iqtisadi əməkdaşlığa çevirməliyik”, - Putin bildirib.

"Onlar Rusiyanı dost hesab edirlər, biz də Afrika ölkələrinə dost kimi yanaşırıq", - Rusiya prezidenti deyib.

Putin Avrasiya İqtisadi İttifaqı (Aİİ) ölkələrinin Misir, Mərakeş, Tunis və Əlcəzairlə azad ticarət zonası haqqında sazişlər hazırladığına diqqət çəkib.

"Buranın hamısı Şimali Afrikadır. Orada, o qitədə inkişaf edən daha çox yerlər var və çox maraqlı ölkələr var. Ona görə də biz heç bir halda digər regionları qaçıra bilmərik", - Putin vurğulayıb.

"Ona görə də ənənəvi bir şeyə qapılmadan bu məsələlərə kompleks yanaşmaq lazımdır", - prezident əlavə edib.