Braziliya prezidenti beynəlxalq ticarətdə dollardan imtina etməyə çağırıb

Braziliya prezidenti Luiz İnasio Lula da Silva beynəlxalq ticarətdə dollardan imtina etməyə çağırıb. 

"Operativ Media" xəbər verir ki, o, BRİCS üzvləri (Braziliya, Rusiya, Hindistan, Çin və Cənubi Afrika) arasında hesablaşmalar da daxil olmaqla, dünyanı Amerika valyutasına alternativlərin yaradılmasına səsləyib.

"Hər kəs bilir ki, mən ölkələrimiz arasında ticarət üçün öz valyutamızın yaradılmasının tərəfdarıyam. Niyə Argentina və ya Çinlə ticarətdə dollardan istifadə etməliyik? Halbuki bunu bizim valyutalarımızla da etmək mümkündür. Bəşəriyyət bunu öz aralarında müzakirə edə bilməz?", - Braziliya lideri deyib.