Kanadanın baş naziri həyat yoldaşı ilə boşanmaq qərarına gəlib

Kanadanın baş naziri Castin Trudo və həyat yoldaşı Sofi Qrequar Trudo boşanmaq qərarına gəliblər.

"Operativ Media" xəbər verir ki, Baş nazir sosial media hesabında bir paylaşımla 18 illik evliliyinin bitdiyini açıqlayıb.

O, verdiyi açıqlamada "çoxlu mənalı və çətin söhbətlərdən" sonra cütlüyün ayrılmağa qərar verdiyini açıqlayıb.

Sofi Qrequar Trudo isə hesabında yazıb: "Həmişə olduğu kimi, biz bir-birimizə və qurduğumuz ailəyə, etməyə davam edəcəyimiz hər şeyə dərin sevgi və hörmətlə yanaşan yaxın bir ailə olmağa davam edirik".

Cütlüyün 18 illik evliliklərindən 15 yaşlı Ksavye, 14 yaşlı Ella-Qreys və 9 yaşlı Hadrien adlı üç övladı var.