Rusiya Rumıniya diplomatları üçün kvota qoyub

Rusiya Xarici İşlər Nazirliyi qarşılıqlı münasibətlərin tələb etdiyi kimi, Rumıniyanın Moskvadakı səfirliyinə diplomatik personalın sayına dair kvota ilə bağlı nota verib.

"Operativ Media" xəbər verir ki, bu barədə Rusiya Xarici İşlər Nazirliyi açıqlama yayıb.

Nazirlikdən verilən açıqlamada Rumıniyanın Moskvadakı səfirliyinin müvəqqəti işlər vəkili Konstantin İonitanın nazirlik binasına çağırıldığı bildirilib.

Qeyd edilib ki, İonitaya Rumıniyanın Rusiyadakı səfirlik və konsulluqlarında çalışan diplomat və işçilərin sayına kvota tətbiq edilməsi ilə bağlı nota verilib.