Əfqanıstanda 5,8 bal gücündə zəlzələ baş verib

Əfqanıstanın şimal-şərqindəki Bədəxşan əyalətində 5,8 bal gücündə zəlzələ baş verib.

"Operativ Media" xəbər verir ki, ABŞ Geoloji Xidməti (USGS) yerli vaxtla saat 20:31-də baş verən zəlzələnin episentrini Bədəxşan əyalətinin Curm rayonu, maqnitudasının isə 5,8 olduğunu açıqlayıb.

Qonşu ölkələr Özbəkistan, Tacikistan və Pakistanda da hiss olunan zəlzələnin 207 kilometr dərinlikdə baş verdiyi açıqlanıb.