Türkmənistan Hava Yolları Moskvaya uçuşları ləğv edib

Türkmənistan Hava Yolları avqustun 8-dən oktyabrın 28-dək Rusiyanın paytaxtı Moskvaya uçuşların dayandırıldığını açıqlayıb. 

"Operativ Media" xəbər verir ki, reyslər Moskva yerinə şərqdəki Kazan şəhərinə yol alacaq.

Türkmənistan Hava Yolları tərəfindən verilən açıqlamada qeyd edilib: "Türkmənistan Hava Yolları 2023-cü il avqustun 8-dən oktyabrın 28-dək Aşqabad-Moskva marşrutu üzrə uçuşları dayandıracaq. Rusiyaya uçuşlar Aşqabad-Kazan marşrutları üzrə həyata keçiriləcək".

Şirkət uçuşların dayandırılmasının səbəbi ilə bağlı hələlik dəqiq açıqlama verməyib.

Qərb mətbuatı uçuşların təxirə salınmasını təhlükəsizlik tədbiri kimi qiymətləndirib.