Alman deputat: "Ukraynaya “Taurus” qanadlı raketləri verilməlidir"

Almaniya Sosial Demokrat Partiyasından (SPD) Bundestaqın deputatı Andreas Şvarts hökuməti Kiyevi uzaqmənzilli “Taurus” qanadlı raketləri ilə təmin etməyə çağırıb.

"Operativ Media" xəbər verir ki, bu  barədə deputat "Der Spiegel" jurnalına açıqlamasında bildirib. 

"Əks-hücum dayanıb, Ukraynanın ciddi hava dəstəyi yoxdur. Yalnız "Taurus" qanadlı raketləri ilə Ukrayna ordusu rusların yaratdığı mina sahələrini keçə və ərazini geri ala bildi", - o bildirib. 

Bundan əvvəl Yaşıllar Partiyasından, Azad Demokrat Partiyasından (FDP), o cümlədən Xristian Demokratik və Xristian Sosial Birliklərinin müxalifət blokundan bəzi siyasətçilər bu silahların Kiyevə ötürülməsi zərurətini bəyan etmişdilər.