Naməlum silahlı şəxslər Malinin daxili bölgəsi Bandiaqara şəhərinə hücum ediblər. Hadisə nəticəsində 15 nəfər ölüb, 3 nəfər yaralanıb.

"Operativ Media" dünya mətbuatına istinadən xəbər verir ki, bu hücumdan sonra Bandiaqara yaxınlığında motosikletin minaya düşməsi nəticəsində daha iki nəfər ölüb.

Sahel bölgəsində "3 ölkə sərhədi" kimi tanınan Burkina Faso, Mali və Niger son illərdə terror təşkilatı Əl-Qaidə və İŞİD-ə bağlı qrupların hücumlarına məruz qalır.

2013-cü ildən bəri Malidə yerləşən xarici hərbi missiyalara baxmayaraq, ölkədəki terror təşkilatları hücumlarını davam etdirir.