İran tərəfi heç bir ilkin şərt olmadan ABŞ ilə məhbus mübadiləsi etməyə hazır olduqlarını bildirib.

"Operativ Media" xəbər verir ki, bu barədə İranın xarici işlər naziri Hüseyn Əmir Abdullahiyan deyib.

İranın paytaxtı Tehranda keçirilən “İran-BRİCS tərəfdaşlıq və əməkdaşlıq perspektivi” adlı konfransda mətbuata açıqlama verən İranın xarici işlər naziri Tehran və Vaşinqton arasında mümkün məhbus mübadiləsini dəyərləndirib.

Məhbus mübadiləsini “insan məsələsi” olaraq gördüklərini ifadə edən Abdullahiyan qeyd edib: “Sayı önəmli deyil, ancaq Oman və Qətər vasitəsilə aylardır (İran və ABŞ arasında) mesaj mübadiləsi aparılıb. Bununla bağlı heç bir ilkin şərtə ehtiyac duymuruq. Vasitəçi tərəflərə razılaşdırılmış çərçivədə məhbus mübadiləsi aparacağımızı bildirdik”.