Pakistanın keçmiş baş naziri İmran Xana 5 illik siyasi qadağa qoyulub

Pakistanda dövlət hədiyyələrini satmaq və var-dövlətini gizlətmək ittihamlarının da yer aldığı Toşaxana işi çərçivəsində 3 il həbs cəzası alan və həbs edilən keçmiş baş nazir İmran Xana 5 il siyasi qadağa qoyulub.

"Operativ Media" xəbər verir ki, Pakistan Seçki Komissiyası (ECP) siyasi qadağa qərarını 2017-ci ildə qəbul edilən Seçki Qanununun 232-ci maddəsi və Konstitusiyanın 63(1)(h) maddəsinə uyğun olaraq, Xanın həbs cəzasını əsas gətirib.

Xan hökuməti keçən ilin aprelində parlamentdə səsvermə zamanı etimad qazana bilməyib, bundan sonra iqtidarı tərk edib.