İsrail: "Səudiyyə Ərəbistanı ilə normallaşma "an məsələsi"dir"

"İsrail və Səudiyyə Ərəbistanı arasında münasibətlərin normallaşması "yaxındır" və bu "an məsələsi"dir".

"Operativ Media" xəbər verir ki, bunu İsrailin xarici işlər naziri Eli Koen deyib.

O, razılaşmanın ABŞ-nin də maraqlarına uyğun olduğunu müdafiə edib: "(ABŞ prezidenti Co) Bayden administrasiyası 2024-cü il prezident seçkilərindən əvvəl siyasi uğur istəyir".

"Amerikalılar iqtisadiyyatla da maraqlanırlar və ABŞ və Səudiyyə Ərəbistanı arasında razılaşma enerji xərclərini azalda bilər. Səudiyyəlilər də İrana qarşı müdafiə axtarırlar. Biz Birləşmiş Ştatlar, Səudiyyə Ərəbistanı və İsrailin maraqlarının üst-üstə düşdüyü bir nöqtədəyik, ona görə də mediada bir ilə yaxındır razılaşma haqqında danışılan xəbərlər mənə doğru gəlir", - diplomat əlavə edib.