Rusiyanın "Yandex" internet şirkətinin yaradıcısı Arkadi Voloj Ukraynadakı müharibəyə qarşı olduğunu bəyan edib.

"Operativ Media" xəbər verir ki, Voloj Rusiya mediasına göndərdiyi açıqlamada indiyə qədər “müəyyən səbəblərdən” susduğunu qeyd edib.

O, açıqlamanın vaxtına görə tənqid oluna biləcəyini, amma önəmli olanın məzmun olduğunu vurğulayıb: "Mən bu savaşın əleyhinəyəm. Mövqeyimi aydınlaşdırmaq istədim".

Qohumlarının və dostlarının Ukraynada yaşadığını bildirən Voloj deyib: "2014-cü ildən Rusiyada yaşamasam da, ölkənin hərəkətlərində mənim də payım olduğunu anlayıram".

Avropa İttifaqı (Aİ) tərəfindən sanksiyaya məruz qalan Voloj 2022-ci ilin dekabrında Yandex-dən ayrılacağını açıqlamışdı.