Danimarkada Qurana hücumlar davam edir

Danimarkanın paytaxtı Kopenhagendə Qurani-Kərimə hücumlar davam edir. 

"Operativ Media" xəbər verir ki, qatı İslam əleyhdarı və irqçi “Danske Patrioter (Danimarka Patriotları)” qruplaşmasının üzvləri bu gün Kopenhagendə Pakistan, Əlcəzair, İndoneziya və Mərakeş səfirlikləri qarşısında Qurani-Kərimi yandırıblar.

Daha sonra qrup Kopenhagendəki məscidin qarşısında Qurani-Kərimi yandırıb.

İslam əleyhinə pankart açıb şüarlar səsləndirən qrup bu anları sosial media hesabından canlı yayımlayıb.

Təxribatlar polisin iştirakı ilə həyata keçirilib.