Alman ordusunun zabiti casusluqda şübhəli bilinərək həbs edilib

Almaniya ordusunda xidmət edən və Rusiyaya casusluqda şübhəli bilinən hərbçi ölkənin qərbində yerləşən Koblenzdə həbs edilib.

"Operativ Media" xəbər verir ki, bu barədə Federal Prokurorluq məlumat yayıb.

Məlumata görə, Tomas H. adlı şəxs "xarici kəşfiyyata işləmək, xüsusən də Berlindəki Rusiya səfirliyinə xidmət etməkdə" ittiham edilib.

İddia edilib ki, may ayından etibarən Bundesver əməkdaşı bir neçə dəfə Rusiyanın Bonndakı Baş Konsulluğu və Rusiyanın Berlindəki səfirliyi ilə birgə işləməyi təklif edib.

Prokurorun hesabatında deyilib: "O, peşəkar fəaliyyəti zamanı əldə etdiyi məlumatları Rusiya kəşfiyyat xidmətinə ötürüb".