İran rəsmisi: "İsrailin varlığına son qoyulmalıdır"

“İsrailin mövcudluğuna son qoymalıdır”.

"Operativ Media" xəbər verir ki, bunu Livanın İsraillə sərhədində yerləşən Marun ər-Ras kəndinə səfər edən İran parlamentinin Milli Təhlükəsizlik və Xarici Siyasət Komitəsinin sədri Vahid Cəlalzadə deyib. 

Cəlalzadə İran inqilabının rəhbəri Ayətullah Xomeyninin İsraillə bağlı açıqlamasına toxunub: "İsrailin varlığına son qoymalıdır. İmam Xomeyni həmçinin bildirib ki, sionist quruluş 25 ildən çox davam etməyəcək".

İran rəsmisi ölkəsinin Livan və Hizbullaha dəstəyini davam etdirəcəyini bir daha vurğulayıb.

Digər tərəfdən, İran nümayəndə heyətini qarşılayanlar arasında olan Hizbullah millət vəkili Həsən Fəddallah illərdir Livan xalqına etdiyi yardıma görə İrana təşəkkür edib.