ECOWAS Nigerlə bağlı iclası təxirə salıb

Qərbi Afrika İqtisadi Birliyinin (ECOWAS) ordu komandirlərinin görüşü qoşunların Nigerə müdaxilə etməyə hazır olmaması səbəbindən bu gündən gələn həftəyə təxirə salınıb.

Bu barədə "Operativ Media" "Al Arabiya"ya istinadən xəbər verir.

Məlumata görə, ECOWAS silahlı qüvvələrinin vahid qruplaşmasını formalaşdırmaq bir həftədən çox vaxt çəkə bilər.

Əlavə edək ki, qurum daha əvvəl vahid ordu yaratmaq üçün cəhdlər edib, lakin maliyyə çatışmazlığı və maddi-texniki məhdudiyyətlər səbəbindən uğur qazana bilməyib.

Gözəl Həşimova