Fransanın cənubundakı Alpes-Maritimes bölgəsində bir binada baş verən yanğında 3 nəfər ölüb, 21 nəfər yaralanıb.

"Operativ Media" xəbər verir ki, bu barədə "Radio-France" məlumat yayıb. 

Məlumata görə, səhər saatlarında Qras şəhərində 5 mərtəbəli binada yanğın baş verib.

Hadisə zamanı 3 nəfər həyatını itirib, 3-ü ağır olmaqla 21 nəfər yaralanıb.

Bölgəyə 50-yə yaxın xilasedici sövq edilib, yanğın nəzarət altına alınıb.

Yanğının baş verdiyi bina və ətrafdakı tikililərdəki insanlar ehtiyat tədbiri olaraq təxliyyə edilib.

Səbəbi hələ dəqiqləşdirilməyən yanğınla bağlı araşdırmalara başlanılıb.