2013-cü il avqustun 14-də İsmayıllı rayonunun Sumağallı kəndi yaxınlığında ümumi gücü 1,6 MVt olan “Ismayıllı-1” KSES, 2016-cı il avqustun 10-da isə ümumi gücü 1,6 MVt olan “İsmayıllı-2” KSES istismara verilib.

"Operativ Media" xəbər verir ki, bu barədə Azərbayan Energetika nazirliyi məlumat yayıb.

Məlumatda bildirilib ki, hər iki stansiya ayrı-ayrılıqda hər biri 0,527 MVt-lıq 3 ədəd hidroaqreqatdan ibarətdir. “İsmayıllı-1” KSES-də 2022-ci ildə 4,0 mln. kVt·st, 2023-cü ilin 7 ayında 2,3 mln. kilovat saat, “İsmayıllı-2” KSES-də isə 2022-ci ildə 3,7 mln. kilovat saat 2023-cü ilin 7 ayında 2,1 mln. kilovat saat  elektrik enerjisi istehsal edilib.

İstismar edildiyi tarixdən cari ilin 01 avqust tarixinədək hər iki stansiyada ümumilikdə 50,7 mln. kVt·st elektrik enerjisi istehsal olunub.