İzmir sahillərində 45 immiqrant xilas edilib, 67 immiqrant saxlanılıb

İzmir sahillərində Yunanıstan tərəfindən Türkiyənin ərazi sularına sıxışdırılan rezin qayıqda 45 immiqrant xilas edilib, qeyri-qanuni yollarla xaricə getməyə çalışan 67 immiqrant isə yaxalanıb.

"Operativ Media" xəbər verir ki, bu barədə Türkiyə Sahil Mühafizə Komandanlığı məlumat yayıb. 

Məlumata görə, Seferihisar rayonu sahillərində rezin qayıqda bir qrup immiqrantın olması barədə məlumat daxil olub. Bundan sonra bölgəyə bir Sahil Mühafizə gəmisi təyin edilib.

Nəticədə Yunanıstan tərəfindən Türkiyə ərazi sularına sıxışdırılan 45 immiqrant xilas edilib.

Bundan başqa, İzmir sahillərində rezin qayıqda olan bir qrup nizamsız miqrant aşkarlanıb.

Hərəkətə keçən Sahil Təhlükəsizlik qrupları, dayandırdıqları qayıqda 38 nizamsız miqrantı yaxalayıb.

Dikili mahalında isə qeyri-qanuni yollarla xaricə getməyə çalışan 29 immiqrant sahilə çıxarılıb.