Özbəkistan hakimiyyəti ölkəyə əlli beynəlxalq brend gətirmək niyyətindədir 

"Özbəkistanın hakimiyyət orqanları əlli beynəlxalq brendin nümayəndələri ilə ölkədəki əməliyyatlarla bağlı danışıqlar aparır".

"Operativ Media" xəbər verir ki, bunu prezident Şavkat Mirziyoyev Daşkənddə keçirilən biznes forumda bildirib.

"İllik dövriyyəsi 100 milyard dollardan çox olan 50 ən məşhur dünya brendi zavodlarımıza böyük maraq göstərir", - prezident bildirib. 

Dövlət başçısı bildirib ki, artıq 3 milyard dollarlıq sifariş verməyə hazır olan İspaniya, Almaniya, Polşa, Türkiyə və digər ölkələrdən olan tərəfdaşlarla danışıqlar aparılıb.

Prezident qeyd edib ki, belə zavodlarda beynəlxalq keyfiyyət, ətraf mühit və sertifikatlaşdırma standartları tətbiq olunacaq. 

"Onlar üçün brend məhsulların idxalı və ixracında güzəştli gömrük rejimi tətbiq olunacaq", - o, əlavə edib.