Azərbaycanın iqtisadiyyat naziri Mikayıl Cabbarov Özbəkistanın investisiya, sənaye və ticarət naziri Ləziz Kudratov ilə görüşüb.
"Operativ Media" xəbər verir ki, bu barədə iqtisadiyyat naziri Mikayıl Cabbarov özünün X hesabında bildirib.
"Özbəkistanın investisiya, sənaye və ticarət naziri Ləziz Kudratov ilə görüşdə iki ölkə arasında iqtisadi-ticarət əlaqələrinin genişləndirilməsi, qarşılıqlı investisiya qoyuluşunun təşviqi, birgə layihələrin həyata keçirilməsi, həmçinin Özbəkistanla sənaye parkları sahəsində əməkdaşlıq perspektivləri barədə faydalı müzakirələr apardıq", - o, qeyd edib.
