Litva: Priqojinin ölümü təhlükəsizlik vəziyyətini dəyişmədi

"Yevgeni Priqojinin ölməsi heç nəyi dəyişmədi, ölkədə təhlükəsizlik vəziyyəti yaxşılaşmadı".

"Operativ Media" xəbər verir ki, bunu Litva prezidenti Gitanas Nauseda deyib.

Gitanas Nauseda sözügedən bəyanatla Ukraynanın paytaxtı Kiyevdə çıxış edib.

"Onun ölümü faktiki olaraq təsdiqlənsə belə, bu, vəziyyəti çox dəyişmir", - Nauseda qeyd edib.

"Vaqner"in məqsədlərindən birinin bölgədə sabitliyi pozmaq və təxribatlar təşkil etmək olduğunu ifadə edən Nauseda, "Priqojinin ölümünün bizi sakitləşdirdiyini və ya bir növ təhlükəsizlik vəziyyətini yaxşılaşdırdığını qətiliklə düşünməməliyik", - deyə əlavə edib.