Belqradda keçirilmiş güləş üzrə dünya çempionatında milli komandamız tarixi uğura imza atıb. Yunan-Roma güləşi üzrə 2 qızıl və 3 gümüş medal qazanan pəhləvanlarımız 120 xal toplayaraq ilk dəfə komanda hesabında dünya çempionu olublar.
"Operativ Media" xəbər verir ki, bu sözləri Azərbaycan Güləş Federasiyasının prezidenti Mikayıl Cabbarov X sosial şəbəkəsindəki hesabında yazıb.
O, idmançılara qazandıqları uğura görə minnətdarlığını bildirib: “Azərbaycan güləşini zirvələrə aparan, ölkəmizi layiqincə təmsil edən güləşçilərimizə və məşqçi heyətinə təşəkkür edir, təbriklərimizi çatdırır və daimi nailiyyətlər arzulayırıq”.
