Azərbaycan və Türkiyə energetika nazirləri birgə yeni layihələri müzakirə edib

Azərbaycanın energetika naziri Pərviz Şahbazov Türkiyənin energetika və təbii sərvətlər naziri Alparslan Bayraktar ilə görüş keçirib.

"Operativ Media" xəbər verir ki, bu barədə Pərviz Şahbazov "X" də bildirib.

"Azərbaycan-Türkiyə Enerji Forumu çərçivəsində dostum Alparslan Bayraktar ilə karbohidrogen və neft-kimya məhsulları, enerji səmərəliliyi, elektrik enerjisi bazarı, elektrik enerjisinin paylanması və ötürülməsi, tənzimləmə, bərpa olunan enerji və mədənçilik üzrə işçi qruplarının fəaliyyətini nəzərdən keçirdik. Birgə yeni layihələri dəyərləndirdik", - o, qeyd edib.