"Türkiyə-Azərbaycan 3-cü Enerji Forumundan sonra həmkarım cənab Pərviz Şahbazovla forumun protokolunu imzaladıq. Biz əməkdaşlığımızı və dialoq imkanlarımızı gücləndirən məhsuldar forum keçirdik".

"Operativ Media" xəbər verir ki, bu barədə Türkiyənin energetika və təbii sərvətlər naziri Alparslan Bayraktar "X"də bildirib.

"Bundan əlavə, TEİAŞ və “Azərenerji” arasında “Türkiyə-Azərbaycan Qarşılıqlı Bağlantı” layihəsi üzrə birgə həyata keçirilən yol xəritəsi imzalanıb.

İki ölkə arasında elektrik enerjisinin idxal və ixrac infrastrukturunun yaradılması nəzərdə tutulan bu layihənin xeyirli olmasını arzu edirəm", - o, qeyd edib.