Metyu Miller: "Azərbaycanla əməkdaşlığı davam etdirəcəyik"

"Azərbaycanla əməkdaşlığı dayandırmaq ABŞ-ın maraqlarına ziddir”.

"Operativ Media" xəbərinə görə, bunu ABŞ Dövlət Departamentinin mətbuat xidmətinin rəhbəri Metyu Miller brifinqdə deyib.

"Biz heç vaxt deməmişik ki, Azərbaycanla əməkdaşlığı davam etdirmirik. Bu, Amerika Birləşmiş Ştatları olaraq bizim maraqlarımıza zidd olardı. Azərbaycan və Ermənistanla birbaşa danışıqlarımızı davam etdiririk.

Biz həmçinin davamlı sülh əldə etmək üçün onlarla işləməyə davam edirik və bu, diqqətimizdə qalacaq”, - ABŞ Dövlət Departamentinin sözçüsü bildirib.