"Google" şirkəti işçilərini ixtisar edir

“Google” işçilərini ixtisar etməyə başlayıb.

Belə ki, şirkət daha bir neçə yüz mütəxəssisi işdən çıxaracaq.

“Operativ Media” xəbər verir ki, bu barədə Bloomberg məlumat yayıb.

"2023-cü ilin ikinci yarısında bəzi komandalarımız ilə daha səmərəli olmaq və resursları əsas məhsul prioritetləri ilə uyğunlaşdırmaq üçün müəyyən dəyişikliklər etdik", - deyə “Google” izah edib.

“Google”un əsas axtarış biznesi Microsoft və OpenAI-nin rəqib süni intellekt təkliflərinin təzyiqi altındadır. Bu kontekstdə rəhbərlik daha çox prioritet sahələrə sərmayə qoymaq üçün heyətin bir hissəsi ilə vidalaşmaq qərarına gəlib.